Alojz i Truda dramat męski w jednym akcie

Padom wom prowda moi ludkowie,
co się zdarzyło kiedyś w Bytkowie.
Pedzioł roz Alojz do swojej Trudy,
obejżyj jakie tukej są nudy.
Ściepnij ta kiecka, jo ściągna galoty,
pofiglujemy w krzokach za płotem.
Jak ino Truda to usłyszała,
z kiecki sie w krzokach już seblekała
a Alojz na to dyć ino czekoł,
chycił te ciuchy, ze krzoków ucieko.
Truda zaś wrzeszczy, giździe garbaty,
oddej mi nazot te moje szmaty.
Alojz zza płotu jej na to pado,
nie rycz sam na mnie ty babajago.
Jak mi nie oddosz klucza do barku,
sprzedom te szmaty kaj na bazarku.
Mosz do namysłu jedna godzina
a jo do szynku ida na klina.
Francik co chałpa mioł krzoków blisko,
bez okno oglądoł to widowisko
a że mioł gowa pełno fantazji,
wartko skorzystoł z takiej okazji.
Z chałpy w te chaszcze leci w poskokach,
w biegu przyporek otwiero w galotach
i nim sie Truda coś zmiarkowała
już pod Francikiem z roszkoszy stękała.
Alojz jak wrócił to był żdziwiony,
co robi Francik w krzokach spocony,
ale sie wartko we wszystkim skapowoł,
że Francik mu z Trudą rogi zmajstrowoł.
Wnet chycił kija by ciulnąć Francika,
ale ten zdupił już do chlewika.
Trudka zaś wartko sie zmiarkowała,
łapła te ciuchy i sie ubrała.
Alojz i Truda żyją już w zgodzie
i zapomnieli o tej przygodzie.
a Francik ze strachu że Alojz mu wdupi,
zwioł do Sosnowca tam chałpa se kupił.
kaj są te krzoki tego nie zdradzom,
bo czasem łaża tam z moją babą
i nie chca co by mnie też trefiło
co Alojzowi sie przydażyło.

skala